Электронныя звароты
Паважаны заяўнік
З 2 студзеня 2023 г. органы дзяржаўнай статыстыкі ажыццяўляюць прыём і апрацоўку электронных зваротаў толькі праз дзяржаўную адзіную (інтэграваную) рэспубліканскую сістэму ўліку і апрацоўкі зваротаў грамадзян і юрыдычных асоб (обращения.бел).
Электронны зварот - зварот заяўніка, пададзены праз сістэму ўліку і апрацоўкі зваротаў.
Электронны зварот выкладаецца на беларускай або рускай мове.
Электронны зварот грамадзяніна павінен змяшчаць:
- назву і (альбо) адрас арганізацыі або пасаду і (альбо) прозвішча, уласнае імя, імя па бацьку (калі такое маецца) або ініцыялы асобы, якім накіроўваецца зварот;
- прозвішча, уласнае імя, імя па бацьку (калі такое маецца) або ініцыялы грамадзяніна, адрас яго месца жыхарства (месца знаходжання);
- выкладанне сутнасці звароту.
Электронны зварот юрыдычнай асобы павінен змяшчаць:
- назву і (альбо) адрас арганізацыі (альбо) пасаду асобы, уласнае імя, імя па бацьку (калі такое маецца) або ініцыялы асобы, якой накіроўваецца зварот;
- поўную назву юрыдычнай асобы і яе месца знаходжання;
- выкладанне сутнасці звароту;
- прозвішча, уласнае імя, імя па бацьку (калі такое маецца) або ініцыялы кіраўніка або асобы, упаўнаважанай ва ўстаноўленым парадку падпісваць звароты.
Да электронных зваротаў, якія падаюцца прадстаўнікамі заяўнікаў, павінны прыкладацца дакументы ў электронным выглядзе, якія пацвярджаюць іх паўнамоцтвы.
Сутнасць электроннага звароту не можа выкладацца праз спасылкі на інтэрнэт-рэсурсы.
Адказы (паведамленні) на электронныя звароты накіроўваюцца праз сістэму ўліку і апрацоўкі зваротаў (обращения.бел), за выключэннем выпадку, калі заяўнік у сваім электронным звароце просіць накіраваць пісьмовы адказ.
Звароты, якія паступілі на адрас электроннай пошты, рэгістрацыі, а таксама разгляду не падлягаюць, і адказы па іх не накіроўваюцца.